Pavlodarda jaıaý júrginshi jolaǵynda eki adamdy kólik qaǵyp ketti
«24 qarasha saǵat 07:20-da Pavlodarda Soltústik óndiris aımaǵy Injenerııa ortalyǵy aıaldamasyna jaqyn jerde Volkswagen Golf avtomobıli 62 jastaǵy er adamdy qaǵyp ketti. Jaıaý júrginshi belgilenbegen jerden joldy kesip ótpek bolǵan», - dedi Pavlodar oblystyq polıtsııa departamentinen.
Vedomstvo málimetinshe, kólik adamdy qaǵyp ketkennen keıin oqıǵa ornynan qashyp ketken. Jaıaý júrginshi túrli jaraqatpen aýrýhanaǵa jetkizildi.
«Polıtseıler adam qaǵyp ketken kólikti anyqtaý úshin jedel-izdestirý sharalaryn júrgizdi. «Tosqaýyl» jospary engizilip, polıtsııa kúdiktini ustady», - dedi PD-dan.
Osy fakti boıynsha QR QK 345-baby 1-bóligi boıynsha sotqa deıingi tergeý jumystary júrip jatyr. Kólik aıyppul turaǵyna qoıyldy.
«4 jeltoqsan saǵat 17:00-de Soltústik óndiris aımaǵy kóshesinde Audi 100 kóliginiń 45 jastaǵy júrgizýshisi 38 jáne 39 jylǵy eki jaıaý júrginshini qaǵyp ketti. Olar baǵdarshamy joq jaıaý júrginshi jolaǵynan ótip bara jatqan», - dedi quqyq qorǵaý organdary taǵy bir jaǵdaı týraly.
Zardap shekkender túrli jaraqatpen aýrýhanaǵa jetkizildi. Departamenttiń málimetinshe, avtokólik mamandandyrylǵan aıyppul turaǵyna qoıyldy. Qazir tergeý júrip jatyr.
Avtory Anton Gagarın
