Pavlodarda jaýqazyndardy eshkim súıiktisine «úzip» almaǵan
Bul týraly agenttikke qala ákimi baspasóz qyzmetiniń hatshysy Saltanat Ákimbekova málim etti, dep habarlaıdy pavlodarnews.kz.
«Keshe gúlderdi jaǵajaıda ornatqan bolatyn. Áleýmettik jelilerdegi sýret jaýqazyndardy ornatyp jatqan kezde túsirilgen bolýy kerek. Olardy eshkim buzyp ketken emes», - deıdi Saltanat Ákimbekova. Aıta keteıik, Instagram áleýmettik jelisindegi tipavlo paraqshasynda nysandardyń qulap jatqany túsirilgen sýret tarady. Atalmysh jaǵdaıǵa qatysty jeli qoldanýshylary túrli pikir bildirgen. Olardyń biri "Súıiktisine gúl úzip alǵan" nemese "Sýyqqa tótep bere almaǵan bolý kerek" dep ázildese, endi biri sulýlyqty saqtaı almaıtyn buzaqylardy synnyń astyna alǵan.
Eske sala keteıik, mereke qarsańynda jarqyraǵan 30 jaýqazyn turǵyzylǵan bolatyn. Onyń alǵashqysy Lenın jáne Qaıyrbaev kósheleriniń qıylysynda oryn aldy. Sonymen qatar, kósheler shaǵyn nysandarmen jáne túrli ınstalıatsııamen áshekeılendi. Dostyq úıiniń janynda jáne Kýtýzov - Toraıǵyrov kósheleriniń qıylysynda úlken NAÝRYZ áripteri paıda boldy. Qalany merekelik bezendirýge 11 mln. teńge jumsaldy.
