Pavlodarda jasóspirimderge ishimdik satqan dúken ıeleri jaýapkershilikke tartyldy
PAVLODAR. QazAqparat – Pavlodar oblysynda alkogolge qatysty zań talaptaryn buzǵan adamdarǵa 51 mıllıon teńgeden astam aıyppul salyndy, dep habarlaıdy QazAqparat.
«Jyl basynan beri polıtseıler qoǵamdyq oryndarda ishimdik iship, mas kúıde júrgen 4 784 adamdy ustady. Olardyń árqaısysyna qatysty ákimshilik óndiris qozǵaldy. Tártip buzýshylarǵa jalpy somasy 51 mıllıon teńgeden astam aıyppul salyndy», - dep habarlady Pavlodar oblystyq polıtsııa departamentiniń baspasóz qyzmetinen.
Vedomstvonyń málimetinshe, jyl basynan beri alkogoldi tyıym salynǵan ýaqytta satqan 207 kásipker jaýapkershilikke tartyldy.
«Ledovskıı kóshesindegi dúkenderdiń birinde satýshy 21 jasqa tolmaǵan adamǵa eki bótelke syra satty. Jeke kásipkerge qatysty ákimshilik óndiris qozǵaldy», - delingen habarlamada.
Taǵy bir satýshy 16 jastaǵy jasóspirimge ishimdik satqany anyqtaldy. Bul joly satýshy jasóspirimge mundaı ishimdikti satýǵa tyıym salynǵanyn bilgen.
«Satýshylardyń áreketi úshin sot aldynda dúken ıeleri jaýap beredi», - dedi PD baspasóz qyzmetindegiler.
