Pavlodarda jasóspirim telefonda oıyn oınaǵany úshin eskertý jasaǵan ákesin pyshaqtady
PAVLODAR. QazAqparat – Er adam aýrýhanaǵa jetkizildi, «Densaýlyqqa qasaqana aýyr zııan keltirý» qylmystyq baby boıynsha sot aldyndaǵy tergeý amaldary bastaldy, dep habarlaıdy QazAqparat.
«Páter ishinde ákesi men kámelettik jasqa tolmaǵan 2007 jylǵy bala arasynda janjal shyqty. Ákesi balasyna únemi telefonmen oıyn oınaıtynyn, eshbir ispen aınalyspaıtynyn aıtyp, úıdegi jóndeý jumystaryna kómektespeıtini úshin eskertý jasaǵan. Er adam balasynan telefondy tartyp alyp, úıdiń aýlasyna shyǵyp ketken. Ákesine yzalanǵan jasóspirim as ishetin bólmeden pyshaq alyp, ony ákesiniń arqasyna suqqan», - dep málimdedi Pavlodar oblystyq Polıtsııa departamenti bastyǵynyń birinshi orynbasary Jasqaırat Qaıyrov.
J.Qaıyrovtyń aıtýynsha, pyshaq jaraqatyn alǵan er adam Pavlodar qalalyq aýrýhanasyna jetkizildi.
Atalǵan fakti boıynsha QR Qylmystyq kodeksiniń 106-babynyń 1-bólimimen («Densaýlyqqa qasaqana aýyr zııan keltirý») sot aldyndaǵy tergeý amaldary ótkizilýde.
