Pavlodarda jasóspirim mektepte burysh ballonyn shashyp jibergen: 3 oqýshy zardap shekti

ASTANA. QazAqparat - Pavlodarda 9-synyp oqýshysy mektepte burysh ballonyn shashyp jibergen. Úsh oqýshy zardap shekti, – dep habarlaıdy Polisia.kz.

3 mamyr kúni saǵat 17:30 shamasynda Pavlodar qalasynyń polıtsııasyna qala mektepteriniń biriniń úsh oqýshysy ýlanyp, aýrýhanaǵa jatqyzyldy degen habarlama kelip tústi. Polıtsııa qyzmetkerleri 16 jastaǵy 9-synyp oqýshysy ózimen birge burysh sepkish alyp kelgenin anyqtady. Sabaq barysynda ol synyptastarymen birge burysh sepkishti synypta shashyratpaq bolyp kelisken. Saǵat 11:35 shamasynda dostarynyń biri kabınette búrikkish bótelkeni shashyratyp jibergen. Muǵalimder bolǵan oqıǵanyń mán-jaıyn bilgen soń kabınet jeldetilip, dymqyl eritindimen tazartyldy.

Ekinshi aýysymda osy kabınette 6-synyp oqýshylary oqyǵan. Sabaq barysynda osy synyptyń keıbir oqýshylary kózdiń ashýy, bettiń qyzarýy túrindegi belgilermen ózderin nashar sezingen. Kezekshi ákimshilikpen jedel járdem shaqyrylyp, synyp jetekshisiniń ilesýimen oqýshylar aýrýhanaǵa jetkizildi.