Pavlodarda jasandy ıntellekt alımentten qashyp júrgen azamatty taýyp berdi

PAVLODAR. KAZINFORM — Er adamnyń moınynda alıment boıynsha 2 mln teńgedeı qaryz bolǵan. Aqyldy júıe kóliginiń júrýine tyıym salynǵanyn anyqtaǵan.

Bul týraly óńirlik polıtsııa departamentiniń baspasóz qyzmeti habarlady. 

«Qorǵaý» aqyldy júıesi tyıym salynǵan kólikterdi anyqtap, belgi beredi. Júıe ornatylǵan polıtsııa kóligi kósheni patrýldeý kezinde VAZ-21150 avtomashınasyn tizgindep júrgen zań buzýshyny anyqtady. Kólik quralynyń ıesi 2 mln teńgege jýyq alıment qaryzyn tólemeı kelgen. Al kóliktiń júrýine tyıym salynǵan. Sot sheshiminen jaltaryp júrgen azamat toqtatylyp, kóligi aıyppul turaǵyna qoıyldy. Er adam boryshyn tolyq ótegenshe sonda turady», - dep málimdedi baspasóz qyzmetinen. 

Jasandy ıntellekti jyl basynan Pavlodar qalasy boıynsha osyndaı 17 kólikti anyqtaǵan. Olardyń ıeleri jalpy somasy 10 mln teńge qaryz eken.