Pavlodarda jasalǵan alyp Qydyr ata álemdik rekordtar kitabyna endi
PAVLODAR. KAZINFORM - Qydyr ata ınstallıatsııasynyń bıiktigi - 5 metr 58,5 santımetr. Onyń shapany men bas kıimin jergilikti sheberler tikken.
Pavlodar qalasynda ótken «Qydyr ata – bereke men birliktiń nyshany» atty aýqymdy is-sharada bıiktigi 5,5 metrlik «Alyp Qydyr ata» ınstallıatsııasy tanystyryldy. Bul erekshe kompozıtsııa bereke men molshylyqtyń, birlik pen izgiliktiń belgisi retinde jınalǵan jurtshylyqtyń nazaryn ózine aýdardy. Tanystyrý rásimine Qazaqstan rekordtar kitabynyń ókili Qýandyq Qudaıbergenov qatysyp, alyp nysannyń Dúnıejúzilik rekordtar kitabyna («World Book of Records») engenin málimdedi.
Jańa rekordqa muryndyq bolǵan «Qazaq analary – dástúrge jol» respýblıkalyq qoǵamdyq birlestiginiń tóraǵasy Aınur Júginisova Qydyr ata beınesin zamanaýı nusqada dáripteý arqyly jas urpaqqa ulttyq dúnıetanymdy sińirý jáne halyqty birlik pen berekege shaqyrý sııaqty mindetter atqarylyp otyrǵanyn, sondaı-aq mundaı jobalardyń mańyzy tereńde ekendigin atap ótti.
Іs-shara aıasyndaǵy áserli sátterdiń taǵy biri – áke men balaǵa arnalǵan ulttyq erler shapandaryn bir mezette kıgizý rásimi boldy. Qazaqtyń ulttyq qolóner dástúrin jalǵastyryp júrgen sheber analardyń qolynan shyqqan shapandar 500 qatysýshyǵa arnaıy daıyndalǵan. Bul rásim áke men bala arasyndaǵy rýhanı baılanysty, otbasylyq tárbıeniń mańyzyn jáne urpaqtar sabaqtastyǵyn tereń beıneledi. Odan keıin aqsaqaldar aq batasyn berip, kópshilikke izgi tilekterin arnady.
Eske sala keteıik, buǵan deıin Ertis boıynda tigilgen alyp kımeshek halyqaralyq rekordtar kitabyna endi.
