Pavlodarda jas jigittiń ólimine kúdiktiler ustaldy
PAVLODAR. QazAqparat Pavlodar oblysynda úıinen shyǵyp ketip, oralmaǵan jigittiń ólimine qatysty kúdiktiler ustaldy, dep habarlaıdy QazAqparat Pavlodarnews.kz saıtyna silteme jasap.
Pavlodar oblystyq polıtsııa departamenti baspasóz qyzmetiniń málimetinshe, 28 jastaǵy er adamnyń denesi 20 aqpan kúni Jelezın aýdanynyń Dúıseke aýylynan 3 shaqyrym jerden tabylǵan.
- Aǵymdaǵy jyldyń 14 aqpanynda úıinen shyǵyp ketip, habarsyz ketken Kırıll Kovalenkonyń máıiti tabyldy. Kırılldiń denesinde zorlyq-zombylyq belgileri bar. Qazirgi ýaqytta osy qylmysty jasady degen kúdikpen Jelezın aýylynyń úsh turǵyny ustaldy. Olarǵa qatysty Qazaqstan Respýblıkasy QK 99-baby 2-bóligi boıynsha sotqa deıingi tergeý júrgizilýde. Kúdiktiler Jelezın aýdanynyń ІІB-ne qamaýǵa alyndy, - delingen baspasóz habarlamasynda.
Qazirgi tańda tártip saqshylary tekserýdi bastady. Osy iske kúdiktilerdiń qylmysy anyqtalsa, olar 15 jyldan 20 jylǵa deıin bas bostandyǵynan aıyrylýy múmkin.
