Pavlodarda jas jigit kóligimen birge órtenip ketti

PAVLODAR. KAZINFORM - Pavlodardaǵy aýlalardyń birinde qańtarýly turǵan «Lada Granta» jeńil kóligi tań aldynda órtengen. Órt sóndirýshiler mashınanyń janynan jas jigittiń kúıip ketken múrdesin tapty.

Oqıǵa Tolstoı kóshesindegi kópqabatty turǵyn úıdiń aýlasynda bolǵan.

«2 aqpan kúni tańerteńgi saǵat 5.31-de jeńil mashınanyń órtenip jatqany týraly habar tústi. Úı aýlasynda turǵan VAZ-2190 kóligi tolyǵymen jalynǵa oranǵan. Qutqarýshylar órtti sóndirý barysynda mashınanyń janynan órtenip ketken jigittiń múrdesin tapty. 2001 jyly týǵan azamattyń ólim sebebi anyqtalýda», dep habarlady Pavlodar oblysy tótenshe jaǵdaı departamentinen.

Jalyn saǵat 5.48-de tolyqtaı joıylǵan, sebep-saldary anyqtalýda. Órtti sóndirýge jeke quramnyń 5 qyzmetkeri men bir tehnıka jumyldyrylǵan.