Pavlodarda jas qyzdy jezókshelikke satqan er adam ustaldy

PAVLODAR. QazAqparat – Jedel ýákilder Ak. Shókın kóshesindegi páterde er adamdy anyqtap, ustady, dep habarlaıdy Ravlodarnews.kz.

Oblystyq polıtsııa departamenti baspasóz qyzmetiniń málimetinshe, ol 20 jastaǵy qyzdy jynystyq qyzmet kórsetý úshin aqshaǵa satqan.

- Qazirgi ýaqytta 35 jastaǵy er adamǵa qatysty Qazaqstan Respýblıkasy QK 309-baby boıynsha sotqa deıingi tergeý júrgizilýde. Sondaı-aq qurbysyn jezókshelikpen aınalysýǵa aldap tartqan 28 jastaǵy Pavlodar qalasynyń turǵynyn ustady. Atalǵan fakti boıynsha QR QK 308-babyna sáıkes sotqa deıingi tergeý amaldary júrgizilýde. Ekibastuz qalasynda polıtseıler jezókshelikpen aınalysý úshin páter usynǵan áıeldi anyqtady. 47 jastaǵy páter ıesine qatysty QR ÁQBtK-niń 450-baby 1-bóligi boıynsha ákimshilik is qozǵaldy, - dep habarlady baspasóz qyzmetinde.

Pavlodarlyq jedel ýákilder «STOP-trafık» jedel aldyn alý is-sharasynyń qorytyndysyn shyǵardy. Jezókshelikpen aınalysýǵa tartý, jeńgetaılyq, jezókshelikpen aınalysý úshin úı-jaılar usyný faktileri anyqtaldy, sondaı-aq las qyzmetter kórsetkeni úshin 18 adam ustaldy.

- Kóbinese mundaı qyzmet kórsetý salasyna qolaısyz otbasylardan shyqqan qyzdar kiredi. Sýtenerlar olarǵa aqsha tabý úshin bir-eki kúnge páterler, qymbat kıim, kosmetıka jáne aqsha beredi. Sodan keıin las qyzmet kórsetý arqyly «ádemi ómir» tabýdy usynady. Buǵan kelisken áıelder baıqaýsyzda quldyqqa túsip, kenetten «ıesine jumys isteýge» mindetti «boryshker» bolady. Eń qaýiptisi, ıeleri mundaı áıelderdi esirtkige otyrǵyza alady, — deıdi polıtsııa qyzmetkerleri.

Tártip saqshylary mundaı jaǵdaılarda polıtsııaǵa dereý habarlaýyńyz kerek ekenin eske salady.