Pavlodarda jarylǵysh zat «qoıylǵan» úıden 30 turǵyn evakýatsııalandy
PAVLODAR. QazAqparat - Pavlodarda jarylǵysh zat «qoıylǵan» úıden 30 turǵyn evakýatsııalandy, dep habarlaıdy pavlodarnews.kz.
Eske sala keteıik, keshe polıtsııa departamentiniń kezekshi bólimine habarlasqan adam N. Nazarbaev dańǵyly 289-shi úı mekenjaıyndaǵy turǵyn úıdiń páterinde jarylǵysh qurylǵy ornatylǵany týraly habarlaǵan.
- Áleýmettik jelilerdi dúrliktirgen turǵyn úıdegi jarylǵysh zat týraly habarlama TJ departamenttiń pýltine 30 maýsym kúni saǵat 20:35-te kelip tústi. Jarylǵysh qurylǵy týraly aqparat rastalmady. Polıtsııa qyzmetkerleri 30 turǵyndy, onyń ishinde 10 balany evakýatsııalady, - deıdi departamentte.
Pavlodar oblysy TJD aımaq turǵyndary men qonaqtaryna Qazaqstan Respýblıkasynyń «Ákimshilik quqyq buzýshylyqtar týraly» kodeksiniń normalaryna sáıkes arnaıy qyzmetterdi jalǵan shaqyrý úshin jaýapkershilik qarastyrylǵanyn eskertedi.
Osylaısha, QR ÁQBtK 438-shi babyna sáıkes buzaqylyq nıetpen arnaıy qyzmetterdi jalǵan shaqyrǵan jeke tulǵalarǵa 30 aılyq eseptik kórsetkish (79350 teńge) mólsherinde aıyppul salynady. Eger kináli tulǵa bir jyl ishinde nemese órtti, apatty joıý kezinde qaıtalap qońyraý soqsa, onda ákimshilik aıyppul eki ese kóp bolady.
- Qazirgi zamanǵy tehnıkalyq quraldar kez kelgen nómirden jáne eldiń kez kelgen jerinen túsken qońyraýdy, sonyń ishinde «jasyryn» nómirden qońyraýlardy anyqtaýǵa múmkindik beredi, - deıdi departamentte.
