Pavlodarda jarty ǵasyr aýyspaǵan jylý magıstrali jańaryp jatyr

PAVLODAR. KAZINFORM — Oblys ortalyǵynda uzyndyǵy 6 shaqyrym bolatyn TM-20A jyl magıstraliniń qurylysy aıaqtalyp qaldy. Ol qalanyń ońtústik bóligin sapaly jylýmen qamtamasyz etýge múmkindik beredi.

«Báıterek» holdıngi energetıkalyq jáne kommýnaldyq sektordy jańǵyrtýǵa bıyl qarajat bólgeni málim. Pavlodar oblysynda ulttyq joba aıasynda sonaý 1972 jyly salynyp, ábden tozyp turǵan jylý magıstrali jańarý ústinde. 

— Jalpy quny 9,8 mlrd teńge bolatyn jobada TM-20A jylý magıstralin jańadan salý kózdelgen edi. Merdiger kompanııa «DANıER» JShS qazirgi ýaqytta qurylys jumystaryn aıaqtaýǵa jaqyndap qaldy. Jańa magıstraldiń ótkizý qabileti eskisine qaraǵanda qýattyraq bolady. Jańa jylý qubyry iske qosylǵanda Pavlodar qalasynyń ońtústiginde ornalasqan 600-den astam kópqabatty turǵyn úıge jylý úzdiksiz jetkizilip, gıdravlıkalyq rejım jaqsara túsedi, - dep habarlady Kazinform tilshisina óńirlik energetıka jáne turǵyn úı-kommýnaldyq sharýashylyq basqarmasynyń basshysy Erjan Imanzaıypov.

Qazirgi ýaqytta Ulttyq joba aıasynda Pavlodar oblysynan taǵy 9 joba qarastyrylyp jatyr.

Eske sala keteıik, jylý maýsymyna ázirlik aıasynda Ekibastuzda 20 shaqyrymnan astam jeliler jóndeldi.