Pavlodarda jarnamadaǵy qatelerdi tapqandar marapattaldy
PAVLODAR. QazAqparat - Pavlodarda 1-27 qarasha aralyǵynda ótken «Qatesiz jarnama» sharasy aıaqtaldy, dep habarlaıdy QazAqparat tilishisi.
«Sharanyń basty maqsaty - «QR Tilder týraly» Zańǵa sáıkes kelmeıtin jarnama mátinderi men kórneki aqparattaǵy qatelerdi anyqtaý», - deıdi tilderdi damytý jónindegi basqarmanyń bas mamany Dáýlet Temirbolat. Sharaǵa qatysýshy qala turǵyndary grammatıkalyq qate tapqan 400-den astam memlekettik, orys jáne aǵylshyn tilderindegi kórneki aqparat mátinderiniń sýretin jibergen. Táýelsiz sarapshy komıssııa jýrnalıster jáne joǵary oqý oryndarynyń fılologtarynan jasaqtaldy. Іrikteý týryna komıssııa eń kóp qatelikter men kemshilikteri bar sýretter bergen 20 qatysýshyny tańdady.
Baıqaý jeńimpazdaryn marapttaý oblystyq tilderdi damytý jónindegi basqarmada 29 qarashada ótkizildi. Onyń qorytyndysy boıynsha birinshi oryndy Balǵyn Zakýova ıelendi. Soynmen júldegelerler qatarynda Marat Qılybaev, Natalıa Gorıanskaıa men Qalamqas Áljanovalar bar.
20 qatysýshynyń barlyǵy da dıplom jáne aqshalaı syılyqtarmen marapattaldy.
«Іs-sharany uıymdastyrýshylar «Qatesiz jarnama» aktsııasyna qatysyp azamattyq ustanym tanytqan oblys turǵyndaryna alǵys bildirdi. Basqarma óz tarapynan qatelikke jol bergen jarnama ıelerine túsindirý jumystaryn júrgizýde», - deıdi D.Temirbolat.
