Pavlodarda janyp jatqan páterden 71 jastaǵy zeınetker qutqaryldy
PAVLODAR. QazAqparat - Pavlodarda kópqabatty turǵyn úıden órt shyqty, dep habarlaıdy QazAqparat Pavlodarnews resýrsyna silteme jasap.
Baspaldaqpen 37 adam óz betimen syrtqa shyǵyp úlgergen, onyń altaýy - bala.
Oblystyq TJD baspasóz qyzmetiniń málimetinshe, Qamzın k-si 160 mekenjaıy boıynsha ekinshi qabatta ornalasqan bir bólmeli páterde úı zattary, jıhaz janǵan.
- Tilsiz jaý 15 sharshy metr alańdy sharpyǵan. Qutqarýshylar úsh býyndy saty arqyly ekinshi qabatqa kóterildi. Órt sóndirýshi, kishi serjant A.Tlen 1950 jyly týǵan er adamdy syrtqa shyǵaryp, oǵan alǵashqy medıtsınalyq kómek kórsetildi. Jaǵdaıy ortasha, aýrýhanaǵa jatqyzýdyń qajeti joq, - deıdi departamentte.Órt shyqqan páterdiń ıesi anyqtalyp jatyr.
