Pavlodarda jantúrshigerlik jol apatynan úsh er adam qaza tapty
PAVLODAR. KAZINFORM -Pavlodar oblysy Kóktóbe aýylynyń mańynda bolǵan qaıǵyly jol apaty 3 adamnyń ómirin qıdy. Qaıǵyly oqıǵadan taǵy 9 adam zardap shekken.
Jantúrgigerlik jol-kólik oqıǵasy 5 shilde kúni Kóktóbe aýylynyń mańynda, Pavlodardan 37 shaqyrym jerde tirkelgen.
«Eki avtokólik soqtyǵysqan. Oqıǵanyń mán-jaıy men sebepteri tergeý barysynda anyqtalady. Jergilikti jerde polıtsııa qyzmetkerleri jumys istep jatyr», - dep habarlady óńirlik polıtsııa departamentinen.
Polıtsııa departamenti mundaı oqıǵalardyń aldyn alý úshin jol qozǵalysyna qatysýshylarǵa jyldamdyq rejımin saqtaýdy, ásirese kólik kóp júretin jerlerde muqııat bolýdy qatań eskertti. Sondaı-aq kólik quralynyń tehnıkalyq jaǵdaıyn baqylaý mańyzdy.
Óńirlik jedel járdem stansasynyń aqparynsha, jol apatynan taǵy 6 adam zardap shekken. Olar jergilikti aýrýhanalarǵa jetkizilgen. Birnesheýiniń jaǵdaıy aýyr. Zardap shekkender arasynda 17 jasar er bala bar.
Eske sala keteıik, Astana-Pavlodar avtojolynda jol apatynan 5 adam zardap shekti.