Pavlodarda jańajyldyq aýyl sharýashylyǵy jármeńkeleriniń qorytyndysy shyǵaryldy
PAVLODAR. QazAqparat – Pavlodarda kezekti aýyl sharýashylyǵy ónimderiniń jármeńkesi uıymdastyryldy. Oǵan 51 taýar óndirýshi qatysty, dep habarlaıdy QazAqparat Pavlodarnews.kz saıtyna silteme jasap.
Pavlodar oblysy ákiminiń orynbasary Asaıyn Baıhanov Instagram paraqshasynda Pavlodarda ótken aýylsharýashylyq jármeńkesiniń qorytyndysyn jarııalady.
- Jármeńkege Pavlodar oblysynyń 51 taýar óndirýshi, qaıta óńdeýshi kásiporyndary qatysty. Sıyrdyń - 25 tutas eti, jylqynyń - 20 tutas eti, qoıdyń - 20 tutas eti, shoshqanyń - 5 tutas eti, qus eti - 2,5 tonna, balyq - 2 tonna, jumyrtqa - 72 myń dana, shujyq ónimi - 3,5 tonna, ósimdik maıy - 4 tonna, kartop - 15 tonna, qyryqqabat - 5 tonna, qııar - 1 tonna, qyzanaq - 1 tonna jáne basqa da ónimder satyldy, - dep jazdy óńir basshysynyń orynbasary.
Asaıyn Baıhanovtyń aıtýynsha, jármeńke aýyl sharýashylyǵy ónimderiniń baǵasyn turaqtandyryp qana qoımaı, pavlodarlyqtardy tabıǵı, ekologııalyq taza jáne jańadan ákelingen azyq-túlikpen qamtamasyz etedi.
Eske salaıyq, buǵan deıin 26, 27, 30, 31 jeltoqsan kúnderi Pavlodar oblysynyń 3 qalasynda aýqymdy aýyl sharýashylyǵy jármeńkesi ótetinin habarlanǵan bolatyn.
