Pavlodarda Jańa jyl qarsańynda 140 otbasy baspanaly boldy
PAVLODAR. QazAqparat - Pavlodar qalasynda jergilikti atqarýshy organdardyń qatarynda kezekte turǵan 140 otbasy páter kiltterin aldy, dep habarlaıdy pavlodarnews.kz .
Kópqabatty turǵyn úı «Saryarqa» shaǵynaýdanynda Shókın kóshesi, 159/3 mekenjaıynda boı kóterdi.
«Bizdiń memleketimiz halqymyzdyń jaǵdaıyn jaqsartý maqsatynda barlyq múmkindikterdi jasaýda», - dep atap ótti Pavlodar oblysy ákiminiń birinshi orynbasary Ulan Jazylbek. - Baspanany qoljetimdi etý maqsatynda elimizde túrli baǵdarlamalar júzege asýda. Búgingi jańa qonys ıelerin quttyqtaı otyra, ár shańyraqqa qut-bereke, tabys tileımin!».
Aıta keteıik, baspanany «Nurly jer» memlekettik baǵdarlamasy aıasynda «Qurylys» JShS saldy. Jobanyń quny 1 011,9 mln teńgeni qurady. Bul 2017 jyly «Saryarqa» shaǵynaýdanynda salynǵan altynshy úı. Osy ýaqytqa deıin jańa aýdanda súrilgen aǵash úılerdiń ornyna 11 kópqabatty jańa turǵyn úı turǵyzyldy. Bıylǵy jyly taǵy bir jańa «Dostyq» shaǵynaýdanynda magıstraldi jelilerdiń qurylysy júrgizilýde. Jalpy, 2017 jyly Pavlodar qalasyndaǵy turǵyn úı qurylysynyń jalpy kólemi barlyq qarjy kózderin qosa alǵanda 151,4 myń sharshy metrdi qurady.
