Pavlodarda jańa týǵan egizder sanavıatsııamen oblys ortalyǵyna jetkizildi
PAVLODAR. KAZINFORM - Olarǵa shuǵyl túrde medıtsınalyq kómek kórsetý qajet bolǵan. Qazirgi ýaqytta jańa týǵan náresteler medıtsınalyq ortalyqta em alyp jatyr.
«QazAvıaQutqarý» tikushaǵynyń ekıpajy Sharbaqty aýdanynan Pavlodar qalasyna jańa týǵan egiz sábılerdi shuǵyl túrde jetkizdi. Ushaq bortynda sábılerge sanıtarlyq avıatsııanyń mamandandyrylǵan dárigerler brıgadasy birge bolǵan.
- Sábıler túnde dúnıege kelip, joǵary bilikti mamandardyń kómegin qajet etken. Ushý barysynda eshqandaı qıyndyqtar tirkelmedi. Bul ushqyshtardyń joǵary kásibıligi men medıtsınalyq qyzmetkerlerdiń úılesimdi jumysynyń arqasynda múmkin boldy, - dep habarlady óńirlik Tótenshe jaǵdaılar departamentiniń baspasóz qyzmetinen.
Qazirgi ýaqytta jańa týǵan náresteler medıtsınalyq ortalyqta em qabyldap jatyr. Olardyń jaǵdaıyn dárigerler táýlik boıy baqylaýda ustap otyr.
Eske sala keteıik, Qazaqstanda egizder sany artyp, shala týǵan sábıler úlesi azaıǵan.
