Pavlodarda jańa stýdentter jataqhanasy paıdalanýǵa beriledi
Bul týraly qalalyq máslıhattyń kezekti sessııasynda qalalyq ishki saıasat bóliminiń basshysy Náılıa Ahmetova aıtty.
«Oblys ortalyǵynda kolledj jáne ýnıversıtet stýdentteri úshin 2 994 oryndyq 10 jataqhana bar. 2020 jyly S. Toraıǵyrov atyndaǵy PMÝ-da S. Toraıǵyrov atyndaǵy Pavlodar memlekettik ýnıversıtetiniń 600 oryndyq jataqhanasyn tapsyrý josparlanýda. Sondaı-aq, № 34 mektep aýmaǵynda PMPÝ stýdentteri úshin 300 oryndyq jataqhanany paıdalanýǵa berý kózdelgen. Qazan aıynda Pavlodar kólik jáne kommýnıkatsııa kolledjinde 200 oryndyq jataqhananyń qurylysy aıaqtalady», - deıdi Náılıa Ahmetova.
Pavlodar qalasynda 2019-2020 oqý jylynyń basyna 14-18 jas aralyǵyndaǵy jalpy bilim beretin orta mektep oqýshylarynyń sany 13 388 adamdy qurady, TjKB oqýshylarynyń sany – 18 345 adam, JOO stýdentteriniń sany – 15 000 adamnan astam.
Oblys kolledjderinde memlekettik grant boıynsha 12 614 stýdent, JOO-da 4 846 stýdent, oblys ákiminiń granty boıynsha 231 adam oqıdy.
«Dıplommen aýylǵa!» jobasy aıasynda Jetekshi aýylyna 2 pedagog jiberilip, 70 AEK mólsherinde (2018 jyly Kenjekól aýylynda 1 qatysýshy) kótermeaqy tólengen.
«Jas maman» jobasy sheńberinde óńirdegi TjKB uıymdary anyqtalyp, atalǵan oqý oryndarynyń bazasynda qazirgi zamanǵy jabdyqtarmen jabdyqtalǵan quzyrettilik ortalyqtaryn qurý josparlanýda.
