Pavlodarda jańa muz arenasy salynýda
ASTANA. QazAqparat - Pavlodarda jańa muz arenasy salynýda. Jańa sporttyq nysannyń qurylysy jeńil atletıka maneji, jabyq fýtbol alańy men olımpıadalyq rezerv daıyndaý mektebi paıda bolǵan «Qulager» ıppodromynda júrgizilýde, dep habarlaıdy pavlodarnews.kz.
Qurylys alańynda oblys ákimi Bolat Baqaýov boldy. Óńir basshysy bolashaq sport qalashyǵyna kommýnıkatsııa jelisin tartý máselesi sheshimin tapqanynan habardar boldy. 30 sáýirde nysannyń ınfraqurylymdyq jobalyq-smetalyq qujattamasy daıyndalady. Barlyq tórt sport nysany memlekettik-jekeshelik áriptestik aıasynda salynady.
Sonymen qatar aımaq basshysy «Portal PV» JShS qurylys kompanııasy sahna salyp jatqan jaǵalaýdy aralady. Merdigerlik uıymnyń basshysy Magdan Ichıev barlyq metall qurylysy Shyǵys Qazaqstan oblysynan sý kelgenge deıin turǵyzylatynyn, sahnanyń tusaýy mamyr aıynda kesiletinin jetkizdi.
«Sahnada ótkiziletin birinshi mereke - Halyqaralyq balalardy qorǵaý kúni. Sondyqtan bul jerde jumys qaınap jatý kerek. Ár senbi saıyn nysandy qarap, baqylaımyz. Kóshe sahnasyn elektr jelisimen qamtamasyz etý úishin qoldanystaǵy transformatorlyq qosalqy stansanyń qýaty jetpeıdi. Sondyqtan bıýdjetten tys qarjyǵa ekinshi stansa, keıin taǵy bir qosalqy stansa salý josparlanýda», - dedi oblys ákimi.
