Pavlodarda jańa kontsert zaly boı kóteredi
PAVLODAR. QazAqparat - Pavlodarda 1500 kórermenge arnalǵan jańa kontsert zaly salynady, dep habarlaıdy «QazAqparat» HAA tilshisi.
«1200 adamǵa arnalǵan úlken kontsert zalyn salamyz. Birine 1200, ekinshisine 300 adam syıatyn eki zal bolady», - dedi Pavlodar oblysynyń ákimi Bolat Baqaýov oblystyq etnomádenı birlestikterdiń ókilderimen kezdesinýde.
Ákimniń aıtýynsha, joba boıynsha jumys júrip jatyr, jýyq arada kontsert zalyn salýǵa quıylatyn qarjy qaı resýrstardyń esebinen alynatyny anyqtalady.
«AHAT bólimine de jańa ǵımarat salyp berýdi josparlap otyrmyz. Qazirgi AHAT bóliminiń qaıda ornalasqanyn ózderińiz jaqsy bilesizder, jas jubaılar úshin ol jerge barý yńǵaısyz. Jospar óte kóp. Jumys isteıtin komanda da bar», - dedi ákim.
