Pavlodarda jalǵan vaktsına pasportyn satqan emhana meńgerýshisi men qyzmetkerleri ustaldy
NUR-SULTAN. QazAqparat – Pavlodar qalasynda medıtsınalyq qyzmetkerler vaktsınalaýdyń jalǵan tólqujattaryn jasady degen kúdikke ilindi, dep habarlaıdy QazAqparat Polisia.kz saıtyna silteme jasap.
Pavlodar oblystyq polıtsııa departamentiniń qyzmetkerleri QR UQK Pavlodar oblysy boıynsha departament qyzmetkerlerimen birlesip, jedel izdestirý sharasyn ótkizdi.
Onyń barysynda vaktsına tólqujatyn qoldan jasady degen kúdikke ilingen Pavlodar qalasy emhanalardyń biriniń medıtsına qyzmetkerleri ustaldy.
Osylaısha, bul emhananyń meńgerýshisi, jalpy tájirıbe dárigeri, sondaı-aq eki meıirbıke adamdardy belgili bir somaǵa vaktsına alǵandar týraly málimetter bazasyna tirkedi degen kúdikke ilindi.
Tergeý barysynda medıtsına qyzmetkerleri vaktsınalaý týraly 200-den astam jalǵan tólqujat toltyrǵany ornatyldy.
Atalǵan faktimen QR Qylmystyq kodeksiniń 285-baby boıynsha sot aldyndaǵy tergeý amaldary bastalǵan.
Oqıǵanyń mán-jaıy anyqtalyp jatyr.
