Pavlodarda jalǵa jalǵan páter berýmen aınalysqan 21 jastaǵy áıel ustaldy
PAVLODAR. QazAqparat - Pavlodarda jedel izdestirý sharalary kezinde 21 jastaǵy jas áıel ustaldy, dep habarlaıdy pavlodarnews.kz.
Bul týraly oblystyq ІІD-niń baspasóz qyzmeti habarlady.
Baspasóz málimetterine qaraǵanda, polıtsııaǵa birneshe turǵyn birden alaıaqttyń qurbany bolǵanyna shaǵymdanǵan. Jábirlenýshilerdiń barlyǵy OLX saıtynda jáne gazetterde páter jaldaý jónindegi habarlamalar boıynsha jalǵa páter almaq bolǵan. Olardy páterlerdiń arzan baǵasy qyzyqtyryp, jalǵa tapsyratyn úı ıelerimen kezdesedi.
«Árbir kezdesýge páter ıesi retinde jas ári meıirimdi qyz kelip otyrǵan. Degenmen, birer saǵattan soń mámile aıaqtalǵannan keıin bógde adamdar kelip, páter ıeleri ózderi ekenin túsindirgen. Dál sol sátte mámile júrgizgen qyzdyń telefony sónip turatyn bolǵan. Búgingi kúni alaıaqtan jábir kórgen bes adam anyqtalǵan», -dedi oblystyq Іshki ister departamentiniń ókilderi.
Alaıda polıtsııanyń paıymdaýynsha, jábirlenýshilerdiń sany budan da kóp. Departament alaıaqtyq boıynsha kúdikti qyzdan jábir kórgenderden Ońtústik polıtsııa bólimine myna telefondar boıynsha 8-777-866-85-75, 8-775-375-65-99 habarlasýdy suraıdy.
