Pavlodarda jaǵajaı fýtbolynan Qazaqstan kýbogy ótedi

PAVLODAR. KAZINFORM -  Qazaqstan fýtbol federatsııasynyń qoldaýymen Pavlodarda jaǵajaı fýtbolynan el kýbogy ótedi. Pavlodar oblysynyń namysyn «Arman» klýby qorǵaıdy.

Jaǵajaı fýtbolynan el kýbogynyń oıyndary Pavlodar qalasynda 7-9 maýsym kúnderi ótedi.

«Fýtbol oıyndary ortalyq jaǵajaıda uıymdastyrylady. Bul – bizdiń aımaq úshin mańyzdy oqıǵa. Týrnırde oblys namysyn elimizdiń eń ataqty jaǵajaı klýby – pavlodarlyq «Arman» qorǵaıdy. Bapkeri – Bolat Alenov. Kýbok oıyndarynda Sharbaqty aýdany týrnıriniń debıýtanttaryn da atap ótken jón», - dep habarlady Pavlodar oblysynyń fýtbol federatsııasy.

Kýbok úshin talasta sondaı-aq, «Malaısary» fýtbolshylary, Semeı qalasynyń «Barqy», Abaı oblysynyń «Spartak» komandalary óner kórsetedi.