Pavlodarda zeınetkerlerdi aldaǵan kúdikti top ustaldy

PAVLODAR. QazAqparat – Jedel-izdestirý is-sharalarynyń nátıjesinde, alaıaqtyq áreket jasaý kúdigi boıynsha qylmystyq top ustaldy. Olar 19-21 jas aralyǵyndaǵy Pavlodar qalasynyń tórt turǵyny bolyp shyqty, dep habarlaıdy QazAqparat Rolisia.kz-ke silteme jasap.

Qazir olardyń alty alaıaqtyq iske qatysy anyqtaldy. Aldaý arqyly zeınetkerlerden shamamen 25 mln teńge qarajat ıelengen. Ustalǵandardan 3 mln 900 myń teńge tárkilendi, olar eki jábirlenýshige qaıtaryldy. Egde jastaǵy 30-ǵa jýyq turǵyn alaıaqtyq boıynsha shaǵymdanǵan.
QR QK 190-baby 3-bóligi boıynsha sotqa deıingi tergeý bastaldy. Ekeýine qatysty qamaýǵa alý túrindegi bultartpaý sharasy,taǵy ekeýine qatysty eshqaıda ketpeý týraly jazylym túrindegi bultarpaý sharalary tańdaldy. Olardyń osyǵan uqsas faktige qatysy bar-joǵy tekserilip jatyr.