Pavlodarda zeınetkerdi kólik qaǵyp ketti
PAVLODAR. QazAqparat – Pavlodarda zeınetkerdi kólik qaǵyp ketti. Jol-kólik oqıǵasy boıynsha tekserý júrgizilýde, dep habarlaıdy QazAqparat Ravlodarnews.kz-ke silteme jasap.
Oblystyq polıtsııa departamenti baspasóz qyzmetiniń málimetinshe, 31 qazan kúni saǵat 13.10-da Kataev kóshesi, 36 mekenjaıy boıynsha «Toyota Camry» kóliginiń 25 jastaǵy júrgizýshisi 1953 jyly týǵan jaıaý júrginshini qaǵyp ketken.
- Zeınetker rettelmeıtin jaıaý júrginshiler ótkelinde joldy kesip ótip bara jatqan. Jol-kólik oqıǵasy saldarynan jaraqat alǵan jaıaý júrginshi aýrýhanaǵa jatqyzyldy, - dedi departamentte.
Kólik arnaıy aıyp turaǵyna qoıyldy.
Aıta keteıik, bıylǵy jyldyń basynan beri oblysta 451 jol-kólik oqıǵasy tirkelgen. Saldarynan 38-i qaza taýyp, 676-sy jaraqat aldy.
