Pavlodarda zeınetkerdi tonamaq bolǵan kúdikti qamaldy
ASTANA. KAZINFORM — Pavlodarda polıtseıler zeınetker áıeldi tonamaq bolǵan kúdiktini ustady, dep habarlaıdy Polisia.kz.
Kúdiktini ustaý maqsatynda keshendi jedel-izdestirý is-sharalary júrgizildi.
— 11 naýryz kúni polıtsııaǵa tonaý áreketi týraly habarlama tústi. Kamzın kóshesindegi turǵyn úıdiń lıftinde, keıin podezinde belgisiz er adam zeınetkerdiń azyq-túlik salynǵan paketi men ámııanyn tartyp alýǵa tyrysqan. Alaıda kúdikti oqıǵa ornynan qashyp ketken. Jedel qyzmetkerler kúdiktiniń qashý baǵytyn beınebaqylaý kameralaryndaǵy jazbalar aqryly zerdeledi. Nátıjesinde Ekibastuz qalasynyń turǵyny anyqtalyp, ustaldy. Ol ýaqytsha ustaý ızolıatoryna qamaldy, — dep habarlady oblystyq PD krımınaldyq polıtsııa basqarmasynyń bastyǵy Jaslan Tanjanov.
Atalǵan fakti boıynsha tonaýǵa oqtalý deregimen qylmystyq is qozǵaldy. Kúdiktiniń osyǵan uqsas ózge de qylmystarǵa qatysy bar-joǵy anyqtalyp jatyr.
Osyǵan deıin Pavlodarda kıberpolıtseıler zeınetkerdiń 5 mln teńgesin alaıaqtardan saqtap qalǵan bolatyn.