Pavlodarda zeınetker men sábıdi qaǵyp ketken júrgizýshi mas bolǵan
PAVLODAR. QazAqparat - Pavlodarda zeınetker men sábıdi qaǵyp ketken júrgizýshi mas bolǵan, dep habarlaıdy Pavlodarnews.kz.
Oblystyq polıtsııa departamenti baspasóz qyzmetiniń málimetinshe, keshe saǵat 19.32-de turǵyn úıdiń aýlasynda 39 jastaǵy «Toıota Kamrı Gratsııa» avtokóliginiń júrgizýshisi 1946 jyly týǵan áıel men 2021 jyly týǵan sábıdi qaǵyp ketken.
«JKO saldarynan áıel men kishkentaı bala túrli jaraqattarmen aýrýhanaǵa jatqyzyldy. Júrgizýshi ortasha dárejde mas bolǵan», - dep habarlady Pavlodar oblystyq polıtsııa departamenti bastyǵynyń birinshi orynbasary Jasqaırat Qaıyrov.
Polıtsııada avtokólik aıyp turaǵyna qoıylǵanyn habarlady. Atalǵan fakti boıynsha júrgizýshige qatysty Qazaqstan Respýblıkasy QK 345-1-baby 1-bóligine sáıkes sotqa deıingi tergeý bastaldy. Júrgizýshi ýaqytsha ustaý ızolıatoryna qamaldy.Eske sala keteıik, Pavlodarda tórt aılyq sábıdi mashına qaǵyp ketti. Balamen birge qart áıel zardap shekti.
