Pavlodarda zeınetker kólik apatynan kóz jumdy
PAVLODAR. QazAqparat – Pavlodarda zeınetkerdi kólik basyp ketti, dep habarlaıdy QazAqparat tilshisi.
«Oqıǵa saǵat 13:20-da Bekturov kóshesi, 16-úıde ornalasqan «Senim» saýda úıiniń aldynda 71 jastaǵy júrgizýshi basqarǵan «RAF 2203» avtomashınasy rettelmeıtin jaıaý júrginshi ótkelinde 1948 jyly týǵan áıeldi basyp ketti. Áıel aýyr jaraqat saldarynan aýrýhanada kóz jumdy», - dep dedi Pavlodar oblystyq polıtsııa departamentiniń baspasóz qyzmeti.
Polıtseılerdiń aıtýynsha, sot-medıtsınalyq saraptamasy belgilengen, mashına aıyp alańyna qoıyldy.
«QR Qylmystyq kodeksiniń 345-babyna sáıkes, sotqa deıingi tergep-tekserý bastaldy», - delingen habarlamada.
