Pavlodarda zaýyt aýmaǵyndaǵy aǵashtar ne sebepti keýip qalǵany aıtyldy

PAVLODAR. QazAqparat – Pavlodar oblysy boıynsha ekologııa departamenti basshysynyń orynbasary Maǵzum Qoqymbaev «Qazaqstan alıýmınııi» AQ zaýyty aýmaǵynda aǵashtardyń qurap qalǵan sebebin aıtty, dep habarlaıdy QazAqparat Pavlodarnews.kz saıtyna silteme jasap.

«Bıyl bul máseleni 3-4 ekologııalyq keńeste talqyladyq. Bul – sanıtarlyq-qorǵaý aımaǵy, kásiporyn aýmaǵynda sanıtarlyq erejelerge sáıkes 40% deıin jasyl jelek otyrǵyzylýy mindetti», - dedi ol Óńirlik kommýnıkatsııalar qyzmetinde ótken baspasóz máslıhatynda.

Onyń aıtýynsha, «Qazaqstan alıýmınııi» AQ zaýyt aýmaǵyn kógalandyrýǵa tender jarııalaǵan. Merdiger aǵash otyrǵyzýdan basqa, olarǵa kútim jasaýdy da qamtamasyz etýge tıis edi. Biraq aǵashtarǵa durys kútim kórsetilmegendikten olar keýip qalǵan.

«Bul másele baqylaýǵa alyndy, jaǵdaı jaqsarady dep oılaımyn. Merdigerge sanıtarlyq-epıdemıologııalyq baqylaý departamenti aıyppul salýy tıis», - dedi Ekologııa departamenti basshysynyń orynbasary.

Spıker bıyl ǵarysh túsirilimderi arqyly aǵash otyrǵyzatyn jerlerdi anyqtap, aýmaqty baqylaýǵa alatynyn aıtty.