Pavlodarda zańsyz maınıngpen aınalysqandar ustaldy
NUR-SULTAN. QazAqparat - Memleket basshysynyń maınıng fermalaryn anyqtaýǵa qatysty tapsyrmasyn oryndaý aıasynda Qarjy monıtorıngi agenttiginiń Pavlodar oblysy boıynsha aýmaqtyq departamenti tıisti lıtsenzııasyz elektr energııasyn satýmen aınalysý faktisin anyqtady, dep habarlaıdy QazAqparat QR Qarjy monıtorıngi agenttiginiń baspasóz qyzmetine silteme jasap.
Agenttik Pavlodar oblysynda Ekibastuz GRES-1 aýmaǵynda ornalasqan maınıngtik data-ortalyqtardyń úzdiksiz jumys isteýi maqsatynda paıdalanylatyn elektr energııasyn zańsyz tutyný men satýdy uıymdastyrǵanyn anyqtady.
«Bul rette elektr energııasy jeke JShS-dan eki kásiporynnyń atyna túsip otyrǵan. Sonymen qatar, JShS-nyń elektr energııasyn berýge lıtsenzııasy bolmaǵan. Óıtkeni, «Ruqsattar jáne habarlamalar týraly« Zańǵa sáıkes energııamen jabdyqtaý maqsatynda elektr energııasyn satyp alý qyzmetin júzege asyratyn kásipkerlik sýbektilerdiń Tabıǵı monopolııalardy retteý komıtetinen lıtsenzııasy ıe bolýy tıis», - delingen habarlamada.
Aldyn ala jasalǵan akt-qorytyndyǵa sáıkes belgilengen tabys somasy 805 mıllıon teńgeni qurady. Tergeý jalǵasýda. Ózge aqparat tergeý múddesine saı jarııa etilmeıdi.
