Pavlodarda zańsyz bılbordtar anyqtaldy
PAVLODAR. QazAqparat - Pavlodarda sáýlet jáne qala qurylysy bólimi qaraýsyz, zańsyz 13 bılbordty anyqtady, dep habarlady «QazAqparat» HAA tilshisi.
Pavlodarda sáýlet jáne qala qurylysy bólimi qalada ornatylǵan jarnama konstrýktsııalaryna olardy ornatý zańdylyǵy turǵysynan monıtorıng júrgizdi. Bul týraly oblys ákimdigi habarlady. Monıtorıng barysynda qaraýsyz, zańsyz 13 jarnamalyq bılbordty anyqtaldy. 10 jarnama taqtasyna demontajdaý júrgizildi. Qalǵanyna osy aptada buzylady dep kózdelip otyr.
Ákimdik baspasóz qyzmetinde sheneýnikter Pavlodar kóshelerin turaqty aralap, japsyrýǵa arnalmaǵan oryndarǵa (aıaldama pavılondary, aǵashtar, jol jıegindegi sharbaqtar jáne t.b.) ilingen plakattar, afıshalardy anyqtaıtynyn habarlady. Bul jarnamalar sáýlet bólimimen kelisilmegen. Ol úshin memlekettik bıýdjetke salyq túspeıdi. Sondyqtan ákimdik olarǵa qatysty shara qoldanady.
