Pavlodarda zańsyz balyq aýlaǵan tórt adam ustaldy
ASTANA. QazAqparat - Pavlodar oblysynda sý polıtsııasynyń qyzmetkerleri zańsyz bekire balyǵyn ustaǵan tórt turǵyndy quryqtady, dep habarlaıdy QazAqparat pavlodarnews.kz silteme jasap.
«Ýyldyryq shashý» jedel aldyn alý is-sharasyn ótkizý barysynda Pavlodar aýdany Jańa qala aýylynyń mańynda Ertis ózeninen zańsyz balyq aýlaǵan tórt adam ustaldy. Olar jeti keliden astam bekire tuqymdas, eki keli kókserke jáne bes keli asa taban balyqtaryn zańsyz aýlaǵan», - delingen oblystyq ІІD baspasóz qyzmetiniń habarlasynda.
Atalmysh fakti boıynsha QR QK-niń 335-baby, 3-bóligi, 1-tarmaqshasyna sáıkes balyq qoryn zańsyz aýlaǵany úshin qylmystyq is qozǵaldy.
Shara barysynda tabıǵatty qorǵaý polıtsııasynyń qyzmetkerleri 60 faktini anyqtady. Onyń ishinde 58-i QR Ákimshilik quqyq buzýshylyq kodeksiniń 383-baby - «zańsyz balyq aýlaý», ekeýi QR QK-niń 335-baby, 3-bóligine qatysty.
