Pavlodarda zańsyz alkogol ónimin shyǵaratyn jasyryn tseh anyqtaldy
PAVLODAR. QazAqparat – Pavlodar oblysy boıynsha Ekonomıkalyq tergeý departamenti jalǵan esepke alý-baqylaý markasymen zańsyz alkogol ónimderin daıyndaıtyn jasyryn tsehty anyqtady. Pavlodar qalasyndaǵy garaj kooperatıvteriniń birindegi jasyryn tsehty júrgizgen 31 jastaǵy er adamdy ustaldy, dep habarlaıdy QazAqparat.
Atalǵan fakti boıynsha Ekonomıkalyq tergeý departamenti QR QK 233-babynyń 2-bóligi boıynsha sotqa deıingi tergeýdi bastady. ıAǵnı, tergeý aktsızdeletin taýarlardy aktsızdik markalarmen jáne esepke alý-baqylaý markalarymen tańbalaýdyń tártibi men erejelerin buzý, olardy qoldan jasaý jáne paıdalaný boıynsha júrgizilýde.
«Tekserý barysynda tsehtan jalpy kólemi 1000 lıtrden asatyn spırt aralasqan 5 plastık bóshke men kanıstrler, 115 jalǵan esepke alý-baqylaý markalary, daıyndalǵan ónimder, «Pshenıchnaıa» araǵynyń barlyǵy 400 danadan astam bos bótelkeleri, «Vodka pshenıchnaıa» markasyndaǵy etıketkalar, jáne basqa da ishimdikti qoldan jasaýǵa arnalǵan jabdyqtar tabyldy. Jalǵan alkogol ónimi antısanıtarlyq jaǵdaıda ári «Taý» alkogol ónimin shyǵaratyn zaýyttyń ónimi retinde óndirilgen. Qazirgi tańda tergeý amaldary júrgizilýde, saraptama jasalady», delingen baspasóz baıanynda.
Osy oqıǵaǵa baılanysty Pavlodar oblysy boıynsha Ekonomıkalyq tergeý departamenti ekonomıka salasynda jasalǵan quqyq buzýshylyq týraly, sonyń ishinde alkogol óniminiń zańsyz aınalymy faktileri boıynsha qandaı da aqparatty habarlaýdy suraıdy. Telefon: 61-29-19, 61-33-05, senim telefony 61-56-76.