Pavlodarda zańsyz tartyp alynǵan jaıylym halyqqa qaıtaryp berildi

PAVLODAR. KAZINFORM — Ortaq ıgilikte paıdalanylyp, keıin jeke tulǵanyń ıeligine zańsyz ótip ketken jaıylymnyń jalpy aýmaǵy — 1,8 myń gektar. Jerdiń kadastrlyq quny shamamen 2,4 mlrd teńgege baǵalanyp otyr.

Pavlodar aýdanynyń prokýratýrasy jer qatynastary bólimin tekserý barysynda jeke tulǵaǵa halyqtyń muqtajdyǵyna arnalǵan jer ýchaskesin zańsyz berý faktisin anyqtady.

«Qadaǵalaý aktisi boıynsha jer sot tártibimen qaıtaryldy. Mal jaıýǵa arnalǵan ýchaskeniń jalpy aýdany — 1,8 myń ga, Shaqat aýyldyq okrýginde ornalasqan. Bul jerlerdiń kadastrlyq quny — shamamen 2,4 mlrd teńge» dep habarlady oblystyq prokýratýradan.

Osylaısha prokýrorlar 1 500 turǵynnyń jerge qatysty quqyǵyn qalpyna keltirdi.

Jurtshylyq endi bul aýmaqta tórt túligin emin-erkin jaıa alady.