Pavlodarda zańsyz 10 qoqys úıindisi anyqtaldy
PAVLODAR. KAZINFORM — Ekologtar ruqsat etilmegen qoqys úıindileri úshin ákimshilik jaýapkershilik qarastyrylǵanyn eske salady. Salynatyn aıyppul mólsheri 1000 AEK-ke deıin jetýi yqtımal.
Pavlodar oblysy boıynsha ekologııa departamenti polıtsııa organdarynyń qyzmetkerlerimen, sondaı-aq oblystyq jer qoınaýyn paıdalaný, qorshaǵan orta jáne sý resýrstary basqarmasymen birlesip, ruqsat etilmegen qoqys úıindilerin anyqtaý boıynsha reıdtik is-sharalar júrgizgen.
— Birlesken tekserý nátıjesinde Pavlodar qalasy aýmaǵynda 10 zańsyz qoqys úıindisi anyqtaldy. Qazaqstan Respýblıkasynyń Ekologııalyq kodeksiniń 365-babyna sáıkes, kommýnaldyq qaldyqtardy basqarý jáne baqylaý fýnktsııalaryn jergilikti atqarýshy organdar júzege asyratynyn eske salamyz. Qazirgi ýaqytta qoqysty tókkender izdestirilip jatyr, — dep habarlardy ekologııa departamentinen.
Zańsyz qoqys úshin ákimshilik jaýapkershilik qarastyrylǵan. QR Ákimshilik quqyq buzýshylyq týraly kodeksiniń 344-babynyń 2-1-tarmaǵyna sáıkes, aıyppul mólsheri 100-den 1000 AEK-ke deıingi kólemdi quraıdy.
Eske sala keteıik, Almatydaǵy qoqys endi GPS-pen baqylanady.
