Pavlodarda iz-túzsiz joǵalǵan er adamnyń denesi ózennen tabyldy

PAVLODAR. KAZINFORM –  21 jastaǵy Aleksandr Olehnovıch 10 qyrkúıekte joǵalyp ketken edi. Birneshe kún boıy ony polıtsııa qyzmetkerleri, týystary men eriktiler izdedi, dep habarlaıdy Kazinform tilshisi.

Eriktilerdiń málimetinshe, Aleksandr 10 qyrkúıek kúni keshki saǵat 11 shamasynda Mashhúr Júsip kóshesi, 386 mekenjaıynan shyǵyp ketken. Odan keıin ony eshkim kórmegen. Keıin beınebaqylaý kameralary arqyly onyń shańǵy bazasynyń janynan ótip, orman alqaby baǵytyna bet alǵany anyqtaldy.

Birneshe kúnge sozylǵan izdeý sharalarynan keıin, eriktiler búgin Aleksandrdyń qaıtys bolǵanyn habarlady. Bul aqparatty Pavlodar oblysy TJD rastady.

– 15 qyrkúıekte Pavlodarda izdestirý is-sharalary barysynda ózen portyndaǵy aýmaqta Pavlodar oblysy TJD qutqarýshylary Ertis ózeninen er adamnyń denesin tapty. Aldyn ala málimet boıynsha, ol 2003 jyly týǵan, 10 qyrkúıekte joǵalǵan jas jigit, – delingen Pavlodar oblysy TJD habarlamasynda.

Іzdeý jumystary kezinde eholot sııaqty arnaıy jabdyq paıdalanylǵany aıtyldy. Marqumnyń denesi sýdan shyǵarylyp, polıtsııaǵa tapsyryldy.

Aıta ketelik Almatyda qamys arasyndaǵy kólik ishinen er adamnyń denesi tabylǵan edi.