Pavlodarda voleıboldan Joǵarǵy lıganyń A tobyndaǵy erler komandalary arasynda el chempıonatynyń 2-týry bolady
ALMATY. 2 jeltoqsan. QazAqparat /Erlik Erjanuly/ - Pavlodar qalasynyń Ortalyq stadıonynyń sport kesheninde 4-10 jeltoqsan kúnderi voleıboldan Joǵarǵy lıganyń A tobyndaǵy erler komandalary arasynda XIX Qazaqstan chempıonatynyń 2-týry ótedi.
Alǵashqy týr buǵan deıin 9-15 qarashada Almatyda ótken bolatyn. Onda barlyq qarsylastaryn oısyrata utqan Shymkent qalasynyń «OQMÝ-Qazyǵurt» 21 upaımen týrnır kestesinde kósh bastaǵan edi. Olarǵa 3:0 esebimen ese jibergen Astana qalasynyń "Ushqyn-Iskra" komandasy 17 upaımen 2-orynǵa shyqty. Al 13 upaıy bar Pavlodar oblysynyń «Ertis- AO AQ» men Oral qalasynyń "Jaıyq-Kondensat" komandalary jáne 11 upaıy bar Qyzyljardyń "Esil-Vıktorııasy" úzdik bestiktiń qatarynan oryn tepti. Al Almatynyń "QazUAÝ" men "TsSKA" komandalary araǵa atyraýlyq ("Atyraý-2") voleıbolshylardy salyp 6, 8-oryndarǵa taban tiregen bolatyn.
2-týr endi kóshbasshy men týrnır kestesin túıindeýshi "OQMÝ-Qazyǵurt" pen "TsSKA" komandalary arasyndaǵy oıynmen bastalady. Alǵashqy oıyn kúni sondaı-aq, "Ushqyn-Iskra" men "Atyraý-2", "Jaıyq-Kondensat" pen ""QazUAÝ", "Ertis-AO AQ" pen "Esil-Vıktorııa" kezdesetin bolady. Al Pavlodardaǵy bul saıys 10 jeltoqsanda jarys qojaıyndary men almatylyq "TsSKA" arasyndaǵy oıynmen túıindelmek.
