Pavlodarda voleıboldan Ulttyq lıgadaǵy áıelder komandalary arasynda Qazaqstan chempıonatynyń 3-týry ótedi

El chempıonatynyń alǵashqy 2 týry buǵan Almatydaǵy Oktıabr Jarylǵapov atyndaǵy sport kesheninde ótken bolatyn. Týrnır kestesinde qazir 20 upaımen Almaty oblysynyń "Jetisýi" kósh bastap keledi. Úzdik úshtikke Pavlodar oblysynyń "Ertis-Qazhrom" (17 upaı), Qaraǵandy oblysynyń "Qaraǵandy" (15 upaı) komandasy enip otyr. Al "astanalyqtar" men "almatylyq" voleıbolshylar 14 upaımen 4-5 oryndy bólisse, Temirtaýdyń "Metallýrg AMT" komandasy 10 upaımen týrnır kestesin túıindep tur.

Pavlodarlyqtar óz alańyndaǵy alǵashqy oıynyn almatylyqtarmen ótkizedi. Jalpy 3-týr oıyndary "Qaraǵandy" - "Astana" jáne "Jetisý" - "Metallýrg AMT" komandalarynyń kezdesýimen bastalady. Al jarystyń aqyrǵy kúni "Almaty" men "Jetisý", "Qaraǵandy" men "Metallýrg AMT" jáne "Astana" men "Ertis-Qazhrom" ózara saıysqa túsetin bolady.