Pavlodarda voleıboldan Ulttyq lıgadaǵy áıelder komandalary arasynda el chempıonatynyń 4-týry ótip jatyr
ALMATY. 24 aqpan. QazAqparat - Keshe Pavlodarda voleıboldan Ulttyq lıgadaǵy áıelder komandalary arasynda HHІ Qazaqstan chempıonatynyń 4-shi týr oıyndary bastaldy.
Osynda «Astana» men «Almaty», «Ertis-Qazhrom» (Pavlodar) men «Qaraǵandy» ózara kúsh synasýda. Buǵan deıingi týrlarda óz qarsylastaryn astanalyqtar 3:1, 3:0, 3:2 esebimen utsa, pavlodarlyqtar bir ret 0:3 esebimen utylyp, qalǵan 2 oınyda dál osyndaı eseppen basym túsken edi.
25-29 qarasha men 22-26 jeltoqsan kúnderi Almatyda jáne 25-29 qańtarda Şýchınsk qalasynda ótken saıysta Taldyqorǵannyń «Jetisý» komandasy jeńimpaz atanǵan bolatyn. Qazir týrnır kestesinde 12 oıynda birde-bir ret jeńilis tappaǵan «jetisýlyqtar» 33 upaımen kósh bastap kele jatyr. «Astana» komandasy 22 upaımen ekinshi, al «Ertis-Qazhrom» 15 upaımen úshinshi orynda tur. Al «Qaraǵandy» (11 upaı) men «Almaty» voleıbolshylary týrnır kestesiniń sońynda kele jatyr. 4-týr oıyndary 27 aqpan kúni márege jetedi.
