Pavlodarda Vengrııa elshiliginiń ókildigi ashyldy

PAVLODAR. KAZINFORM — Ókildik Pavlodar, Abaı jáne Shyǵys Qazaqstan óńirleri úshin qyzmet kórsetedi. Onyń ashylýyna Vengrııanyń elimizdegi tótenshe jáne ókiletti elshisi Otto Ivan Rona qatysty.

Qazaqstan men Vengrııa — seriktes elder. Qos memleket arasyndaǵy yqpaldastyq oń turǵyda damyp keledi. Sońǵy jyldary saýda-ekonomıkalyq aınalym, mádenıet pen bilim-aǵartý baılanysy jaqsy qarqyn alǵan. Oblys ortalyǵynda ashylǵan elshilik ókildigi yntymaqtastyqtyń áleýetin arttyra túspek.

«Qazirgi ýaqytta bizdiń memlekettiń Qazaqstan boıynsha 5 qalada qurmetti konsýly bar. Pavlodarda ashylǵan ókildik Shyǵys Qazaqstan, Abaı jáne Pavlodar oblystaryn qamtıdy dep josparlanǵan. Eki el arasyndaǵy áriptestik damyp keledi. Bul bizdi aıryqsha qýantyp otyr. Vengrııalyq dıplomatııa jergilikti kásipkerler úshin tıimdi bolatyny sózsiz», - dep atap ótti Vengrııanyń elimizdegi tótenshe jáne ókiletti elshisi Otto Ivan Rona.