Pavlodarda vaktsınatsııa pasportyn satqan medbıke ustaldy

PAVLODAR. QazAqparat - Polıtsııa qyzmetkerleri qala emhanalarynyń biriniń medbıkesi koronavırýs ınfektsııasyna qarsy jalǵan vaktsınatsııa pasportyn jasaǵanyn anyqtady, dep habarlaııdy Pavlodarnews.kz tilshisi.

Oblystyq PD baspasóz qyzmeti habarlaǵandaı, medbıke sol úshin birneshe ret azamattardan jalpy somasy 160 myń teńge aqshalaı syıaqy alǵan.

«Atalǵan fakti boıynsha QR QK 24 –baby (Zańsyz syıaqy alý) boıynsha sotqa deıingi tergeý bastaldy. Bultartpaý sharasy - kelý mindettemesi tańdaldy»,- dep habarlady Pavlodar oblysy Polıtsııa departamentiniń baspasóz qyzmeti.

Esterińizge sala keteıik, 2021 jyldyń shilde aıynda jedel-izdestirý is-sharalary barysynda Pavlodar oblysynyń quqyq qorǵaý organdary tólqujattardy qoldan jasady degen kúdikpen Pavlodar qalasynyń emhanalarynyń biriniń medıtsına qyzmetkerlerin anyqtap, ustady.