Pavlodarda úzdik traktorshy stýdent anyqtaldy
ASTANA. QazAqparat - Pavlodarda stýdentter arasynda 2017 jyldyń úzdik traktorshy-mashınısti anyqtaldy, dep habarlaıdy pavlodarnews.kz .
Agrarlyq-tehnıkalyq, tehnıkalyq jáne kásiptik bilim beretin oqý oryndarynyń stýdentteri arasynda Pavlodar oblysynyń «2017 jyldyń úzdik traktorshy-mashınısti» kásibı sheberlik konkýrsy ótkizildi.
Oǵan Ýspen, Sharbaqty, Aqtoǵaı, Lebıaji, Maı, Jelezın, Krasnoarmeıka, Ertis, Baıanaýyl, Kachır agrarlyq-tehnıkalyq kolledjderi qatysty.
« Eki kún boıy qatysýshylar sheberlikteri men kásibı daǵdylaryn kórseti. Saraptama tobynyń músheleri barlyq modýlderdi baǵalap, konkýrs qorytyndylaryn shyǵardy. Kachır agrarlyq-tehnıkalyq kolledjiniń stýdenti Aleksandr Kochkaev úzdik atanyp, birinshi dárejeli dıplommen jáne baǵaly syılyqpen marapattaldy», - dep habarlady bilim berý basqarmasy. Ekinshi oryndy Aqtoǵaı agrarlyq-tehnıkalyq kolledjiniń stýdenti Albert Vıdıker ıelendi. Úshinshi oryn Maı agrarlyq-tehnıkalyq kolledjiniń stýdenti Zınat Lýkmanovqa berildi. Barlyq qatysýshylarǵa estelik syılyqtar men sertıfıkattar tabys etildi.
