Pavlodarda uıymdasqan qylmystyq top áshkerelendi

PAVLODAR. QazAqparat - Pavlodarda onlaın-kazıno jasaǵan tórt adamnan quralǵan uıymdasqan qylmystyq top áshkerelendi, dep habarlaıdy «QazAqparat» HAA tilshisi.

Bul týraly Pavlodar oblystyq prokýratýrasynyń 2016 jylǵy jumys qorytyndysyna arnalǵan máslıhatta oblystyq prokýratýra basqarmasynyń bastyǵy Beısenbek Álıev málimdedi.

Onyń aıtýynsha, tórt adam zańsyz túrde oıyn avtomattarynda onlaın-kazıno túrindegi oıyn bıznesin uıymdastyrǵan. Olar tek ózderi ǵana áreket etpegen. Olarǵa týystary kómektesken. Prokýrorlar olarǵa QR Qylmystyq kodeksiniń 307, 262, 218-baptary boıynsha aıyp taqqan.

«Aqpan aıynda tintý jumystary júrgizildi, alynǵan zattaı derekter saraptamaǵa jiberildi. Segiz adam ustaldy. Olardyń altaýy - tutqynǵa alynsa, ekeýi - úı qamaýynda. Bul statsıonarlyq mekeme edi. Oıyn avtomattary saýda úılerinde, adamdar turmaıtyn ǵımarattarda ornatylǵan», - dep málimdedi B. Alıev.