Pavlodarda úısiz-kúısiz adamdardy sýyqtan qutqaryp jatyr
PAVLODAR. QazAqparat – Qys bastalǵaly pavlodarlyq polıtseıler qańǵybastar jınalǵan jerlerge reıd jumystaryn júrgizip jatyr, dep habarlaıdy QazAqparat tilshisi.
«Qańtar aıy bastalǵaly, 5 kún ishinde Pavlodar qalalyq beıáleýmettendirý ortalyǵyna qıyn jaǵdaıda qalǵan turaqty úı-jaıy joq 50 adamdy jetkizildi», - dep habarlady Pavlodar oblystyq polıtsııa departamentiniń baspasóz qyzmeti.
Polıtseılerdiń aıtýynsha, barlyq patrýldik bólimshede turaqty baspanasy joq adamdar jınalatyn jerlerdiń kartasy bar, ol ózgerip otyrady.
«Olar polıtsııa bólimshesine jetkizilgennen keıin túrli sharalardan ótedi: foto, vıdeoesepke qoıady, saýsaq izderin alady, izdeýde júrgen qylmyskerler men iz-tússiz joǵalyp ketkender tizimimen salystyrady. Adamdardy káriz qudyqtarynan shyǵaryp alǵan soń, jylý jelileri qyzmetshileri eshkim kirip ketpes úshin olardy jaýyp tastady», - dedi baspasóz qyzmetindegiler.
