Pavlodarda úıdiń tóbesindegi súńgi muzdy tazalamaǵandarǵa aıyppul salynyp jatyr
«Ýchaskelik ınspektoryna reıd kezinde Suraǵanov kóshesindegi 9 úıdiń turǵyndarynan shaǵym túsken. Úıdiń shatyrynda súńgi muz tazalanbaǵany úshin «Magıstral» PIK tóraǵasyna qatysty QR Ákimshilik quqyq buzýshylyq kodeksiniń 505-baby «Abattandyrý erejesin buzý» boıynsha ákimshilik is qozǵaldy. Birinshi ret eskertý berildi», - dep habarlady Pavlodar oblystyq Polıtsııa departamentiniń baspasóz qyzmetinen.
Óńirdegi aýa raıynyń qubylýyna baılanysty Pavlodardaǵy úılerdiń shatyrynda súńgi paıda bolǵan. Polıtseılerdiń aıtýynsha, turǵyndar kommýnaldyq qyzmet kórsetý úshin aqsha tólegennen keıin aýlany, kireberisti, sonyń ishinde shatyrdy kútip ustaýdy talap ete alady. Sondyqtan, tártip saqshylary páter ıeleri kooperatıvin ýaqytyly qardan tazalaýǵa, shatyrdaǵy súńgi muzdy alyp tastaýǵa shaqyrady.
«2020 jyly qańtar aıynda polıtseıler abattandyrý erejesin buzǵany úshin 800 tulǵaǵa qatysty ákimshilik óndiris qozǵady. Aıyppuldyń jalpy somasy 3,5 mln teńge», - dep atap ótti polıtsııa departamentinen.
Vedomstvonyń málimetinshe, «Jylý jelileri» JShS men «PREK» AQ abattandyrý erejesin birneshe ret buzǵan. Ár kásiporynǵa 300 AEK kóleminde 800 myń teńge aıyppul salynǵan.
«Álem» PIK, «Turmys» PIK, «Saryarqa» qonaqúıi, «Álem 2014» PIK, «Akvılon Treıd» JShS-na 40AEK, «Mantnaıa» dámhanasyna, «Ámireshev» JK, «Koıdan» JK, «Avto obýv» shınomontaj sheberhanasyna, «Bekturǵanov» JK-ǵa, «Dento» stomatologııasyna, «Nash dom 2019» PIK-ine 30 AEK kóleminde aıyppul salynǵan.
Avtory Anton Gagarın
