Pavlodarda uıaly telefondy shokolad qaǵazyna orap kolonııaǵa kirgizbek bolǵan
PAVLODAR. KAZINFORM — Pavlodar oblysy boıynsha Qylmystyq-atqarý júıesi departamentine qarasty № 45 túzetý mekemesinde sottalǵandarǵa tyıym salynǵan zattardy zańsyz jetkizý áreketi áshkerelendi.
«Shyǵys» óńirlik qolbasshylyǵynyń baspasóz qyzmetinen habarlaǵandaı, sottalǵandarǵa arnalǵan sálemdemeler men banderolderdi tekserý barysynda 6679 áskerı bóliminiń áskerı jasaǵy muqııat jasyrylǵan uıaly telefon men birneshe SIM-kartany taýyp alǵan.
— Ulttyq ulan qyzmetkerleriniń qyraǵylyǵy arqasynda mekeme aýmaǵyna uıaly baılanys quraldarynyń ótip ketýine jol berilmedi. Bul zattar mekeme qaýipsizdigine qater tóndirýi múmkin. Atalǵan derek boıynsha qyzmettik tekserý júrgizilip jatyr. Jiberýshi men quqyqbuzýshylyqqa qatysy bar adamdar anyqtalýda, — dep málimdedi baspasóz qyzmetinen.
Qylmystyq-atqarý júıesiniń mamandary sottalǵandarǵa uıaly telefon, SIM-karta jáne ózge de tyıym salynǵan zattardy jetkizý zańǵa qaıshy jáne ákimshilik nemese qylmystyq jaýapkershilikke ákelýi múmkin ekenin eskertedi.
Ese sala keteıik, Óskemende stýdent túrmege smartfondar ótkizbek boldy.