Pavlodarda úsik shalǵan 4 adamǵa kómek kórsetildi
«Pavlodar oblysynyń jedel medıtsınalyq járdem stantsııasy» dabyldy eskertý jarııalanǵan alǵashqy kúni tórt úsik shalý jáne bir qatty tońý oqıǵasyn tirkegen, dep habarlaıdy pavlodarnews.
Bul jóninde agenttikke stantsııanyń aldyn alý emdeý bólimi bas dárigeriniń orynbasary m.a Svetlana Krylova aıtty.
« 22-qańtarda, tańerteńnen dárigerlerge úsik shalǵan jáne qatty sýyq ótken eki ekibastuzdyq jáne úsh oblys ortalyǵynyń turǵyndary júgindi. Kóbinese olardyń tabandary men bilekterine zaqym kelgen», - deıdi Svetlana Krylova.
Mamannyń aıtýynsha, mundaı jaǵdaıdyń týyndaýyna tómengi temperatýranyń uzaq ýaqyt áser etýi jáne kıim men aıaq kıimniń tar bolýy sebep bolady.
«Turǵyndarǵa syrtqa kóp shyqpaýǵa keńes beremiz. Eger qajettilik týyndaǵan jaǵdaıda bettiń ashyq bóligin moıynoraǵyshpen jaýyp, bas kıimdi durystap kııý kerek. Sıntetıkalyq emes, maqtaly nemese júnnen jasalǵan zattarǵa kóńil bólgen jón», - dedi Svetlana Krylova.
Alkogoldi sýsyn iship, mas kúıde dalada qalǵandardy qaıǵyly jaǵdaı kútip turǵany belgili.
Jedel járdem stantsııasy usynǵan aqparatqa súıensek, jyl basynan beri osyndaı jaǵdaımen aýrýlardy qabyldaý bólimine óńir boıynsha 26 adam túsken. Onyń úsheýi - bala. Úsh eresek adam men bir balany emhanaǵa jatqyzǵan.
Pavlodar qalasy tótenshe jaǵdaılar basqarmasy úsik shalýdyń aldyn alý maqsatynda qala turǵyndary men qonaqtaryn aýa raıyna sáıkes kıinýge jáne ashyq aýada uzaq ýaqyt bolmaýǵa keńes beredi. Teri jamylǵysynyń úsikke shaldyǵýynyń birneshe dárejesi bar: Birinshiden - teri jamylǵysynyń qyzarýy jáne isinýi, ekinshiden - teride kópirshikter paıda bolady, úshinshiden - teriniń ólýi jáne qabyrshyq paıda bolady jáne tórtinshi - dene bólikteri jansyzdanady (saýsaq, taban). Úsik shalǵan adamdy jyldam jylytýǵa tyıym salynady: (jylytqysh qoıý, ystyq dýsh, jyly vanna, qarqyndy ysqylaý, ashyq ottyń janynda jylytý jáne t. b.). Sebebi bul kezde zaqymdalǵan teri qyza bastaıdy, biraq qannan ottegi almaıdy, nátıjesinde teri qaraıady jáne óledi. Úsikke shalǵan ýchaskelerdi ysqylaýǵa bolmaıdy, óıtkeni usaq muzdyqtar teriniń betin búldiredi jáne ınfektsııa engizý múmkin. Sondaı-aq, jylyný úshin alkogol ishýge bolmaıdy (ol aldymen qan tamyrlarynyń keńeıtýin, sodan keıin kúrt tarylýyn týdyrady, zaqymdanǵan ýchaskelerdi ottegimen jabdyqtanýdy qurtady), deneniń úsigen jerlerin maımen ysqylaýǵa bolmaıdy, sebebi teriniń demalýyna jáne zaqymdalǵan ulpalardyń túsýine keri áserin tıgizedi.
«Úsik shalǵan kezde (teri kúıdirý sezimi, shanshý) úsigen ýchaskeni qolmen nemese júnnen toqylǵan sharfpen ysyńyz. Qolǵap pen aıaq kıimdi alyp tastańyz, qoldy demmen jylytyńyz jáne jeńil ýqalańyz, joǵarydan tómengi baǵytta aıaq tabanyn ysqylanyz. Qatty úsigen kezde (sezimtaldyqtyń joǵalýy, aýrý, bozǵylt, sýyq teri) zaqymdalǵan oryndy jyly kıim-keshekpen nemese múmkindiginshe birneshe qabat maqtamen, dákemen, polıetılenmen jabyńyz jáne tezirek jyly úıge jetýge tyrysyńyz. Dereý ózińiz nemese kórshilerdiń kómegimen dárigerdi shaqyryńyz. Tańǵyshty sheshpeńiz, sebebi qalypty qan aınalym temperatýrasy buzylady. Kez kelgen ystyq sýsyn ishińiz (tátti shaı, kofe, sút). Esińizde bolsyn! Úsigen terini qutqarýǵa bolady, tek tez arada jaqyn jerdegi aýrýhananyń bólimshesine barý kerek», - deıdi departamentte.
