Pavlodarda úsh jylda 4 myńdaı ret ashyq júrekke ota jasalǵan
ASTANA. QazAqparat - Úsh jyldyń ishinde oblystyq kardıologııalyq ortalyqta júrek aqaýy bar 3 912 naýqasqa ota jasalǵan, dep habarlaıdy pavlodarnews.kz.
Óńirde júrek qan tamyrlar aýrýlaryn emdeýdiń ınnovatsııalyq emdeý ádisteri engizilgen.
«Bıylǵy jyly eki aıdyń ishinde barlyǵy 236 ota jasalǵan. Onyń 102-si qolqa qan tamyryn shýnttaý bolsa, 54-i júrektegi qan joly tetigine qatysty. Sonymen qatar 541 koronografııalyq tekserý júrgizilgen. Budan basqa, ortalyqta qolqa qan joly tetiginiń transkatetirlik transplantatsııasy, júrektiń elektr shıratqyshy - kúrdeli arıtmııalyq qurylǵylardyń ımplantatsısy syndy ınnovatsııalyq emdeý ádisteri engizilgen», - dedi oblystyq densaýlyq saqtaý basqarmasynyń basshysy N.Qasymov.
Aıta keterligi, jalpy kardıologııalyq ortalyqta oblys boıynsha 60 711 adam dıspanserlik esepte tur. Onyń ishinde Ekibastuz qalasynda 7 812 jáne Aqsýda 4 721 adam júrek qan tamyrlary aýrýlarymen aýrady. Aýdandar arasynda Ertis, Pavlodar, Qashyr aýdandary kósh bastap tur. Ortalyqtyń alty mamany ótken jyly Qytaı, Lıtva, Belarýs jáne Frantsııa elderine oqýǵa baryp kelgen.
