Pavlodarda úsh kólik soqtyǵysyp, júkti áıel men 8 jasar bala jaraqat aldy
PAVLODAR. QazAqparat - Pavlodar qalasynda avtovokzal mańynda avtobýs, «GAZ» jáne «Kıa» markaly kólikter soqtyǵysyp qaldy, dep habarlaıdy QazAqparat.
«Oblys ortalyǵyndaǵy Toraıǵyrov kóshesinde, avtovokzalǵa jaqyn mańda avtobýs, «GAZ» jáne «Kıa» kólikteriniń qatysýymen jol apaty boldy. Saldarynan júkti áıel men 2012 jyly týǵan kishkentaı bala jaraqat aldy» dep málim etti oblystyq polıtsııa departamentiniń baspasóz qyzmeti.
Zardap shekken ekeý aýrýhanaǵa jatqyzyldy. Bul jaıt tirkeýge alynyp, qazir oqıǵa ornynda polıtseıler jumys istep jatyr.
«Jol-kólik oqıǵasy boıynsha tekserý bastaldy. Saraptama taǵaıyndalǵan» deıdi vedomstvodan.
